I pupiddi

A mia mi veni d' arririre

cu na pocu di pupiddi

ca si inchinu la vucca cu

Iu, iu, iu, iu

Iu chi, iu comu, iu quantu.

E poi unn' hannu fattu u restu i nenti.

E puru ca fussi veru

a megghiu virtù è l'umiltà.

E l'antichi ca un sbaglianu mai

ni lassaru dittu :

"Cu s' avanta ca so' vucca

o è un asino o è una cucca" .

Arriru e mancu mi veni d'arrispunniri

picchi' e tornu all'antichi proverbi

"a megghiu parola è sempri

chidda ca un si dici."

Quannu cala u sirenu

iu haio un cuscinu

unni posu la testa

e senza scrusciu m'addummisciu.

Rosanna Badalamenti