Un café
- Rosanna Badalamenti
- 13 dic 2022
- Tempo di lettura: 1 min
Mi bastassi sempre chiddu chi aiu.
Un euro pi un café a matina.
Un euro e basta chiù.
O bar,
davanti a machinetta,
sula a casa
mentri u suli si n' acchiana.
Ogni matina un euro
e sugnu felice accussi'.
A parlari ca genti
a parlari chi i me' pinseri
cu du ciavuru di café
ca mi trasi dintra all'arma
a ricordarimi ca sugnu sulu di passaggiu
ma che è bellu godere ri piaceri di la vita.
Tutti.
Ma u café, u café pi mia i supera tutti.
Un euro pi un cafe' a matina
e iu sugnu a posto accussi.
Un café t 'avvicina a la genti
puru quannu poi t' abbannuna completamenti.
Stai ura a parrari davanti a un cafe'
e mentri ti ni vai
t' addumanni "ma cu è"
ma un t'interessa nenti.
Vi taliastivu nta l'occhi
e vi spartistivu u café,
puru ca a pigghiallu fusti sulu tu.
U café unn' è sulu un café
C'è un café pi ogni situazione.
A vita alivoti gira e cancia tutta
pi un café.
Rosanna Badalamenti
Comentarios