Palori comu canigghia

I palori i fannu addivintari canigghia,

i pigghianu e li eccanu

e unni vannu vannu

senza truvari arrisettu.

Ti dicinu ca vennu di nta l'anima

ma unn ' è veru

i palori sinceri d'amuri

finiscinu comu a canigghia?

Finiscinu iccati a fumeri?

A munnizza?

Peccatu ca li beddi palori di li nnamurati

a chiddi ca lu cori ci avvampava pi davveru

a chiddi ca un ci vittiru di l'occhi

sfidannu sorti e svintura

pi stari sempri nzemmula

finiscinu mmucca a sta gente

cu lu cori lordu.

A sta genti ca senza sintimentu

si vinni pi sintimintusa.

Peccatu pi chiddi ca cu li ali bianchi

ci crittiru e fineru nterra.

A vriogna però u sapi cu cu stari.

Pigghiaru di beddi palori

e li iccaru comu canigghia

Facennuli perdiri

Rossana Badalamenti