L'isola della poesia

di Rosanna Badalamenti...

@ Rosanna Badalamenti

Sicilia terra d'amuri

E caminu

pistannu na terra ca mi duna a manciari .

È bedd

a e ricca ma ‘unn è ‘a mia.

Chidda mia è cchiù sutta dintra ‘u stivali

unni c’è ‘u pedi.

‘A me Sicilia ti duna ‘u cori già di ‘n capu l’aeriu

mentre stai attirrannu.

Pi primu ti saluta ‘u mari cu na vasata

cu tuttu lu cori.

E poi scinni e talia ‘i culura: c’è ‘u biancu di la schiuma

‘u virdi di li jardina ,‘u giallu di lu suli,

l’ aranciuni di l’aranci e li mandarini ,

lu russu di lu focu d’amuri.

Veni,ti fazzu sentiri lu ciauru da zagara

e ciuri c

iuri di tuttu l’annu .

Cca nti nuatri è accussì, è comu ‘a casa di Gesù

e cu trasi‘un voli nesciri chiù.

Li vrazza l’ avemu pi travagghiari

e la menti l’avemu fina

ma sulu l’occhi avemu chini di biddizzi sopraffini.

Ma cull’ occhi ‘un putemu campari

e ni chianci ‘u cori quannu poi l’avemu a lassari.

Semu sparsi pi lu munnu.

Tu facci a prova, addumanna a unu

di la fama ammuntuata

Ma tu di cu sì figghiu ?

E iddu t’arrispunni: ‘A Sicilia mi veni matri.